ಮನೆಯೆ ಮೊದಲ ಪಾಠಶಾಲೆ !

ಅಪ್ಪ ನಶ್ಯ ಸೇದುವವ, ಅದೂ ಸುಗಂಧ ನಶ್ಯ. ದಿನಕ್ಕೆ ಎರಡು ರುಪಾಯಿಯ ನಶ್ಯ ಆದರೂ ಬೇಕಾಗಿತ್ತು ಅವನಿಗೆ. ತಿಂಡಿಯ ನಂತರ, ಗದ್ದೆ ಕೆಲಸದ ಸಮಯ.. ಏನಿದ್ದರೂ ನಶ್ಯ ಅವನ ಸಂಗಾತಿ.. ಹೀಗೆ ಭೇಟಿಯಾದ ಒಬ್ಬ ಕೇಳಿದ " ಹೇಗೆ ನಶ್ಯ ಸೇದಲು ಕಲಿತೆ ?"
----ನಾನು ಶಾಲೆಗೆ ಹೋಗುವಾಗ ನನ್ನಪ್ಪ ನನ್ನಲ್ಲಿ ೨ ರುಪಾಯಿ ಕೊಟ್ಟು ನಶ್ಯ ತರಿಸುತ್ತಿದ್ದರು. ನಾನು ಯಾವುದೋ ಒಂದು ನಶ್ಯ ತರುತ್ತಿದ್ದೆ. ಬೇರೆ ನಶ್ಯ ತಂದಾಗೆಲ್ಲ ಅಪ್ಪನ ಸಿಟ್ಟು ನೆತ್ತಿಗೇರುತ್ತಿತ್ತು. ಕೊನೆಗೆ ಅಪ್ಪ ಶಾಲೆಗೆ ಹೋಗುವ ಮೊದಲು ನಶ್ಯದ ಸ್ಯಾಂಪಲ್ ನನಗೆ ತೋರಿಸಿ, ಇದೇ ನಶ್ಯ ಅಂಗಡಿಯಿಂದ ತಾ ಎನ್ನುತ್ತಿದ್ದರು. ಹಾಂ ಅವರದೂ ಸುಗಂಧ ಬ್ರಾಂಡಿನ ನಶ್ಯವೇ ಆಗಿತ್ತು.

ಮನೆಯೆ ಮೊದಲ ಪಾಠಶಾಲೆ !!